மனதைப் பாதித்த பதிவு

நேற்று இப்பதிவைப் படித்ததிலிருந்து மனதில் ஏதோ ஒருவித சோகம் சூழ்ந்து கொண்டது. தமிழகத்தில்தான் இக் கொடுமை நடக்கிறது என்பதை அறிந்ததும் சோகம் இன்னும் இரட்டிப்பானது. அதுவும் தாம் பெரியாரின் வாரிசுகள் ,அண்ணாவின் வாரிசுகள் என்று மார்புதட்டிக் கொள்பவர்களினால்தான் தமிழகம் கடந்த 40 ஆண்டுகளாக ஆளப்பட்டு வருகிறது. இருந்தும் இப் பாதகச் செயல்கள் இன்றும் அதாவது 21ம் நூற்றாண்டிலும் நடந்து கொண்டிருப்பது மனவேதனையாகவும் வெட்கமாகவும் உள்ளது. உலகில் வாழும் தமிழர்கள் அனைவரையும் நாணித்தலைகுனிய வைக்கும் செயல்.

சக வலைப்பதிவ நண்பர் கோ.சுகுமாரன் அவர்கள் தனது தளத்தில் மேலளவு வாக்குமூலங்கள் உணர்த்தும் உண்மைகள் எனும் தலைப்பில் தமிழகத்தில் நடந்தேறும் இவ் அநாகரீகச் சம்பவம் நடந்த இடத்திற்கு நேரில் சென்று செய்தியாகப் பதிந்துள்ளார்.

மனிதநேயம் உள்ள அன்பர்கள் அனைவரும் இப் பதிவைக் கட்டாயம் படிக்க வேண்டும் என பணிவன்புடன் கேட்டுக்கொள்கிறேன். படித்துவிட்டு , இக் கொடுமைகளைத் தடுக்க தங்களால் இயன்ற நடவடிக்கைகளை மேற்கொள்ளவேண்டும் என மிகவும் தாழ்மையுடன் கேட்டுக்கொள்கிறேன்.

நண்பர் கோ.சுகுமாரன் அவர்கள் பற்றி ஒரு சில வரிகள்( இவை அவரின் Profileல் அவரே சொல்லியுள்ளவை):
தமிழகம், புதுவையில் மனித உரிமை தொடர்பான பணிகளை மேற்கொள்கிறார். ராஜ்குமாரை வீரப்பன் கடத்திய போது வீரப்பனை காட்டில் சென்று சந்தித்து, ராஜ்குமாரை மீட்ட மூவர் குழுவில் இடம் பெற்றவர்.